يرقص لي القاف لامن غـرد احساسـي
للـي سكـن فــي ربـيـع القـلـب طاريـهـا
ريحـة نفلهـا سـرت مـع سكـة انفـاسـي
وشـذا البحتـري جـروح الـروح يبريهـا
صاحت: جموع الفتن دقت لي أجراسي
ويـن انـت ياللـي فـلـول الجـهـل يفنيـهـا
جاهـا الزعيـم وخذاهـا بعزمـه القاسـي
وهي زغردت له وعذب الشوق ماليهـا
قالـت يبـو تركـي أنـت القـايـد المـاسـي
وانـت الـذي صرختـي بالجـوف توحيهـا
حررتـنـي مـــن زمـــانٍ غـابــرٍ آآســـي
وشـرع الشريعـه فرضتـه مـع مباديهـا
هـي الريـاض الغـلا هــي لــذة نعـاسـي
هـي عاصمـة عشقنـا والقلـب حاويـهـا
بيـن امسهـا ويومهـا تـاريـخ متـواسـي
مـن حـاضـرٍ شـاهـقٍ لامـجـاد ماضيـهـا
لبّستـهـا مـــن غـلايــه فـاخــر لـبـاسـي
وبـــــدم قـلــبــي أزمّـلــهــا وافــاديــهــا
افــاخــر بـمـجـدهـا مـابـيــن جــلاســـي
دار الـثـقـافـه وبــيــت الـعـلــم يـبـنـيـهـا
هـي أمـنـا هــي أمــانٍ راســخٍ راســي
بـقـيــادةٍ عــقــدة الـصـعـبــات تـنـهـيـهـا
لا لا يهـمـك عـقـوق الـجـاحـد الـنـاسـي
عـنـدك رجــالٍ تـدوسـه فــي مواطـيـهـا
وتحت امرك الـروح ياضيـي ونبراسـي
نـدعــس خـشــومٍ خيانـتـهـا لاراضـيـهـا
هي عاصمة عزنا هي منبـع احساسـي
وجـوري فـؤادي يفـوح بعـبـق طاريـهـا