ياعين لاتبكيـن نـاس مقفيـن
عسى المقفي مايعود على الـدار
ياعين كفي دمعك اليوم ياعيـن
كفي دموعك مت تحبيـن غـدار
حرام ياعيونـي عليهـم تهليـن
دمعات حزنٍ فوق خدي كما النار
ومن خان ودك لاتقولي رحل وين
إنسيه وإنسي كل شي معه صار
ومن بدل أحبابه بنـاسٍ جديديـن
ما ينبكى وبكاه عار على عـار
وانتي من سنينٍ عليهم تنوحيـن
نوح الحمام اللي زعج باخر الغار
ياعين من لا أغلاك له لاتوديـن
ترى الموده بالغلا سـر وجهـار
أكبر خطاء من ناح ناسٍ محيدين
بيديهم النذله طووا صفحة أخبـار
والحب صفحة بالوفاء بين الإثنين
وإلا الفراق أخير من كل الأشوار
الحب ياهل الحب مافيـه قوليـن
إخلاص مايبنى على صفحة أعذار
رسم المحبه صعب فيه التكاوين
لكن مع الإخلاص للحب تذكـار