الي بقا لي مع الايام وفيته
والضيق لو ينهمر تشربه ودياني
ماهي كبيرة علي والحزن غنيته
ولاهي غريبه اذا وقتي تحداني
الخوف يامن نبشت القلب وأدميته
لا عشت زهرة شبابك وانت وحداني
كم جرح خذته من الاحباب ضميته
وجروح قلبي زكاة الحب .. خلاني
مطعون عادي جفا الاقراب داويته
تعبان مبطي ردا هالحظ خاواني
صدمه بسيطه هوان الحال مريته
مقرود ادري وذا حرمان عدًاني
ما فاح هم( ن ) لك الله ما تقهويته
ما مر حزن (ن ) بغيري ما تبلاني
يا ما وياما من الخذلان عديته
الا بصاحب (ن) بعد عشره تناساني
ازريت لا انسى غيابه لين ناديته
والموت لا من تجاهلني وجافاني
حتى جناح العتب لرضاه ذليته
ما طرت بعده فرح من ذل جنحاني
يا قلب صبرك ترى كل شي سويته
ما كان افضل من الي كان بإمكاني
لو بي قوه على الهجران خليته
لو بي ذره من النكران يفداني
الجرح ارحم اذا يرجع من اغليته
مجروح فدوه ولكن صعب وحداني