[بندر الشويلع]

اداوي جروحك وانا كلي جروح
واهتم في جرحك وجرحي تركته

يا روح روحي روح يا روح يا روح
اقولها من قلب بيدك طعنته

كذا بدون اسباب ما ينفع تروح
عطني سبب واحد وش اللي عملته!
ما كنت اقصر يا بعد قلب مذبوح
اللي تبية يجيك واللي طلبته

اضحك معك سوالفي ضحك ومزوح
ممشي معك جدي وش اللي فعلته

جيتك سكني هم والامي تفوح
ثوب الحزن بسباب فعلك لبسته

دمعي من اسبابك على الخد مطروح
مقدر ارجع دمعي اللي طرحته

كلن درى عن علتي صرت مفضوح
واضح على شكلي ولا شي قلته

ماهو صحيح اقولك روح مسموح
عطني سبب اهمال قلبا" ملكته

يعني عشاني بانين لجلك صروح
واللي بنيت بداخلي ما هدمته
لاصرت راسمني حبيبي على لوح
لاتمسح اللي في يدينك رسمته

مظلوم يا دفتر على طول مفتوح
اغرقتة بحبري ولا جيت شلته

خل الجروح تعيش مع شلة جروح
الله كريم يعالج اللي جرحته
وسلامتكم

الموضوع الأصلي: خل الجروح تعيش مع شلة جروح | | الكاتب: بندر الشويلع | | المصدر: شبكة بني عبس