[مرزوق العجوني]

[poem=font="simplified arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
البرق حبك والحشـا دفتـر الغيـم=من لاح صبيت الرعد في الحنايــــــا

هذا أنت ترحل لأيسر الصدر وتقيم=تلبـس نهـاري والليالــــــي عرايــــــا

قبل أمس رمشك في قلوب المعازيم=واليوم كحلك في عيــون المرايـــــــا

دامك تقود الريم في مرتـع الريـم=دوك الضلوع اللي وراها سرايـــــــا

ترى الغلا يرخص مقامه الياسيـم=ويزيـد لا صكـت عليـه المنايــــــــا

من وين أوجه والزمن بوصلة ضيم=والقلب طيـــــر فـي يديـن النوايـــــا

إن قلت أحبك ضج عطر الملازيـم=وإن طال صمتي تستجـن الزوايـــــا

أشرب قراحك عزم واضماه تصميم=يـوم اعذب انفاســـك تمـد الهدايـــا

لا جيت اسافر في مزاياك واهيـم=ألقى عيوبك فـي عيونـي مزايــــــــا

من صغر سنك يكبـرن المفاهيـم=ومن كثر حسنك ينـدرن الحلايــــــــا

جيدك يـوزع للغصـون الترانيـم=وعيدك يجمـع فرحتـه للصبايـــــــــا

حبك برق واثر الحشا دفتر الغيـم=من لاح صبيت الرعـد فـالحنايــــــــا
[/poem]