هات القلم وأكتب جديـد الطـواري
أكتب مـن الخفـاق زيـن التعابيـر
أكتب على ما زان حسـب اختيـاري
بيـوت شعـر (ن) طيبات(ن)مزاهيـر
مثل النفل في وسط ذيـك الصحـاري
لا بـان طلـع زهورهـا و النواويـر
وإلا كمـا اللؤلـؤ بوسـط المحـاري
وإلا كمـا بـدر الدجـى للمساهيـر
فاللي علومـه كـل أبوهـا كبـاري
ما جاه بالطالات غـش (ن) وتقصيـر
يسري إذا هـي وجبـت للمسـاري
ويرقى طويلات (ن) و يطىء المعاسيـر
طيب ومـن طيبـه يحـل العسـاري
ومن طيب علمـه معتلـي للمظاهيـر
صقر (ن) هداد وضاري (ن) للمطاري
حر(ن) تشفـق لـه جميـع الصقاقيـر
عادل سعد شيخ (ن) على الطيب ضاري
من رؤوس قوم (ن) كل أبوهم مناعيـر
ربع (ن) لهـم بالمجـد والعـز طـاري
بنـي ذيـاب الطيبـيـن المشاهـيـر
ربع (ن) على المخطي شهاب (ن) وناري
وعلى الرفيق أعذب من مبـرد الزيـر
عـز الخـويّ و طيبـة(ن) للجـواري
وللضيف يسـوون الـدلال المباهيـر
سجلتها مـن شـان كاتـب وقـاري
يا أبو مبـارك لـك معـزه وتقديـر
وسيرتهـا بالشعـر والشعـر سـاري
وسيرتها فـي روعـة الحـرف تسييـر
لجلك بيوت الشعـر جتنـي كثـاري
لجلك بيـوت الشعـر تلفـي طوابيـر
والمعذرة كأنـه قصـر عـن مـداري
وصفك وطيبك مـا يجـي بالتصاويـر