ناصر صويان
ياسلمان ابن عمار لاشبت انار=لاتدخل مابين اسانيـه والمحالـه
ياكثر الذي عليك ركز بالا نظار=لعلك تفهم ويـش معنـا الرسالـه
سلمان
ليا شبت النيران ماني بمحتار=ولكن كلامك ماوصلنا مجالـه
ياليتك تركز وتعرف ولد عمار=مكاني مكاني ليش أدور بداله
ناصر صويان
كلامي تعرفه كان فيك الزمن دار=الياعـود العاقـل الـسـن الجهـالـه
تثنى بمكانك ونظر يمين ويسـار=مثل مايثنـون الجمـل فـي عقالـه
سلمان
ياناصر تراني ماحسبك ضمن الأنصار=لو إنك وسيع بطان صاحـب جلالـه
أباأنشدك يالمليون كم عنـدك أصفـار=أنا ماأقدر أحسبهن ولـو عنـدي آلـه
ناصر صويان
ترى منت ياسلمـان مـع اهـل الغـار=تراك انت صاحب للعـور مـع عيالـه
اليا صرت ماتقدر وانا حسبك بيطار=تريـح بيـت ٍ فــوق راســك ضـلالـه
سلمان
لقيت أهل الكهف ولقيتك لهم جار=ولاني صحيبك مير رد الحوالـه
لو آجاملك ياشين مـرة وتكـرار=شبوحك تحت رجلك وحالتك حاله
ناصر صويان
انا تاجر اليا شفـت بسـوق تجـار=وكلن يبيـع ويشتـري فـي ريالـه
لكان انت مالك مع هل العرف مشوار=ماعنـدك ياغيرالناقصـه والهزالـه