تجيني طيف ..
وامرر بالهوا يدّي ..
أحاول امسكك لكن ..!
ابعرف .. كيف ؟
وانا بعدك .. وطن يبكي
جفوه الناس
سكن فيه الخريف وكان يتساقط
من أغصان الشجر .. حزن / وحنين / وياس
وكان الناي / صوت الريح
إذا غنــّـى
يطيح الليل في حضن السما يجهش
وتتهاوى النجوم تصيح ..!
واشوفك حلم من غبت ..
واحس ان كل شي انت
وآخيلك في الظلام / الضي
بدونك .. كل شي
[ لا / شي ]
ومن صارت جروحي شمس
وانت غايب عـنــّـي
وانا .. ما عاد فيني فــَي
كثر ما كانت أحزاني تغازلني
وترضيني ..
إذا الأفراح بكتني من الحرمان / تبكيني
كثر ما أشعرك فيني
وأعيشك في غيابك زيف
ويلبسني الشتا معطف ..
وادوّر للدفا عنـّـك / بفصل الصيف !
( تجيني طيف )
وامرر بالهوا يدّي
أحاول ألمسك لكن ..
*_*