[ممدوح العريض]

قصيدة متواضعة و أتمنى أن تحوز على رضاكم ..
واعذرونا على القصور . تونا في بداية المشوار ..

[poem="font="Simplified Arabic,5,white,bold,normal" bkcolor="transparent" bkimage="images/backgrounds/95.gif" border="ridge,4,darkred" type=1 line=0 align=center use=ex num="0,black""]

الليل جاير والسهر طالب ثار= والنوم مبطي ياعيوني مجافيك
ابطيب اقلب بالنوايا والاسرار=ياليت بصدور الاوادم شبابيك
ماكنت اطاوع كل خاين وغدار =ولاكنت اطلع فوق متني صعاليك
والا انت ياللي معطب الجوف بالنار =ايو الله انك زدت في بتماديك
ياوجد حالي لاتذكرت ماصار =يوم انت تطعني وانا اقبل يديك
مليت اجامل واكتم الجرح وانهار =وابوح واندم وابتعد عنك واجيك
لو كنت اباغفر كل زله بالاعذار =ماطاحت الدمعة ليامر طاريك
العمر واحد والخسارة بالاعمار =والضربة اللي ماتهدك تقويك
اما تجيني وابتدي معك مشوار =ولا تروح ويسعد الله لياليك
[/poem]

[blink]

شعر : ممدوح العريض

[/blink]

الموضوع الأصلي: الليل جــــــــــاير | | الكاتب: ممدوح العريض | | المصدر: شبكة بني عبس