علمتني معنى الهوى يا هلا فيك
وقدمت لي حبن وودن وطاعه
ما بودكم يا زين زيفن وتشكيك
مبني على نهج الولا والقناعه
يا صاحبي لوحيت حسك وطاريك
توهجت روحي تطاير شعاعه
كني لهيت بمركب التل تفريك
أو مركبن باليم يلفح شراعه
يجهل جمال الروح من قال وش فيك
هو ما عرف درب الغلا والسناعه
ما كل خلن بالموده يصافيك
كم واحدن انكر رفيقه وباعه
خل الهوى للي يودك ويغليك
ترى الغلا والود ما هو بضاعه
لمنهو رضى بك بالتودد ويرضيك
من قال لك لبيه سمعن وطاعه