والزمان اللـي ضمينـا شـح بالمـي القـراح
والقراح اللـي انتظرنـا اختلـط دم ٍ وقيـح !
قبل عام ماتذكرين اللـي حمـل همـه وراح ؟!
انكساره في قـراره حامـل ٍ قلـب ٍ جريـح !
عابث ٍ ماكـان يعـرف للهـوى أي اصطـلاح
بس يرسم في خياله إن الهوى مـدح ومديـح !
يحسب إن الحب نسمة مثل نسمـات الصبـاح
مادرى إن الحب نقمة تشـوه الوجـه المليـح !
قبل عام آلـو حبيبـي تقولهـا بغنـج ومـزاح
من أكون أنا بحياتك قولهـا خلـك صريـح ؟!
من تكوني في حياتـي أنـت ِ كلـي ياصبـاح
أنا محتاج لدفـاك ِ يـآآآه ياهـو كـم مريـح !
أنت ِ شمسي أنت ِ ظلي أنت ِ عذب المستـراح
جيتك ِ متعـب وقلبـي بيـن يدينـك يطيـح