يوم اقبلت ذعـذع عبيـر التماثيـل
نفحـة قصيـد وشوقهـا يغتشينـي
ترقص على النسمة وتعزف مواويل
ويطرب لها الخفـا ق قـدام عينـي
بين الفراق وبين عـذب المواصيـل
الله علـى باقـي عذابـي يعيـنـي
من شانها عانيـت ماهـوب تمثيـل
وصبرت والله يـرزق الصابيرينـي
ماقصدي ارجي من وراها محاصيـل
لكن غلاهـا مـن زمـن مبتلينـي
كان الغموض اكبر من القال والقيـل
وأختصرت الموضوع في ( كلمتيني )
الفجـر ميعـاد القلـوب المغالـيـل
هي يحتريهـا الفجـر أو يحترينـي
صافحتهـا قـدر ومـودة رجاجيـل
وأن كان ماني قدهـا اقطـع يمينـي
وليا عشقت ام العيـون المضاليـل
الـحـب لتالـيـن والآولـيـنـي
ماهمنـي لـو يزعلـون العواذيـل
من حقي اهواهـا وهـي تهتوينـي
امـوت فيهـا والمنايـا محابـيـل
وآخر سوالفهـا معـي( دمعتينـي )
اما علـى الفرحـة نولـع قناديـل
ولا يمـوت الحـب منـي وفيـنـي