يامن دفع هاجسـي للشعـر بغيابـه
وشلون تقرا القصيده بعد مـا اكتبهـا
انحتلـك ابيـات شعـري واتشقابـه
وانته تمشى مع الارض ومنـا كبهـا
الشعر صايـر عصاتـي واتعصابـه
من غيبتك منحني والارض اقصّبهـا
ثلاثـه اعـوام ماجانـي ولاجـابـه
انظـر لشـرق البلـد ولا لمغربهـا
بزوغ نور الفجـر يجعلنـي احيابـه
وغروب شمس النهار الروح يتعبهـا
شاعرك وصل القمر والشمس باعتابه
احّمـل الشمـس برسالـه واعاتبهـا
الشمس قالت على وجه القمـر جابـه
ووجه القمر ساعـةٍِ دارت عقاربهـا
واليوم وجه السماء يرسلـك اعجابـه
نور القمر مع شعاع الشمس يرقبهـا
دامنـهـا للكـواكـب دوم جـذابـه
امـا حجبـت الفضـا ولا قعدتبـهـا
مادام عض الدهر وانـا تحـت نابـه
احارب الناس واتراجـع واصاحبهـا
ومادام روحي من الي صار منصابـه
ترضى لون الوضع ماهوب معجبهـا
المؤمن اللي من الرحمـن يرضابـه
يسلك طريقه مـن الارض ويعيشبهـا
وانا بشر لو دخلـت لداخـل الغابـه
ابقنـع اوسودهـا واحقـر ثعالبـهـا
بعض البشر خاطبه ويفيـدك خطابـه
وبعض البشر عف نفسك عن مخاطبها
المجتمع مختلف وانـا مـن اغرابـه
من غيبتك كل لحظه صرت احسبهـا
ياللي دفع هاجسـي للشعـر بغيابـه
جمله مفيـده ولكـن ويـن معربهـا
شاعرك معذور ساعة يفقد اعصابـه
وشلون تقرا القصيـده بعـد يكتبهـا