فاحـت دلالــك يالـغـلا قــرّب الهـيـل
من - غبت - ريـح الهيـل مافـاح فيهـا
نـبــي نـحــرك راكـــدات الفنـاجـيـل
مبـطـي تـحــرّى ريـحـتـك تحتـويـهـا
تعـال اقهويـك الولـه لـ/ آخــر اللـيـل
و اسقـي عـروقٍ نـاشـف الــدم فيـهـا
كنت اتحرّى من الضمى لمعة السيـل
شـحّـت غـيـومـك مـاروتـنـي يـديـهـا
لا شفت في حضن السما نجمة سهيل
يطري علّي ارقـى المعالـي و اجيهـا
و لا انت لاشفتـك تشفّقـت بـ/ الحيـل
مـثـل الغـريـب الـيـا لـقــا دارٍ يبـيـهـا
ربــي طلبـتـك حالـنـا صـابـه الـمـيـل
ويـن الـدروب اللـي تــردّه و اجيـهـا
و هـذي دلالـي جبتهـا .. وينـه الهيـل
ابـطـت وريــح الهـيـل مـافـاح فـيـهـا