... ماهي بسيطه كسرت القلب ياعناد ..!
وإن طاح عصفور الهوى من يشيله ..!
غصنه ذوى .. واستبسل الخوف بـ فواد ..
من يوم عزَم للمفارق خليله ..!
عزي لعينٍ دمعها صار جلاد ..!
ياما جروحي بالسهر .. تنثنيله ..!
أحدٍ يجيلك فلة احجاج ومراد ..!
وأحدٍ يطفي بالمشاعر غليله ..!
أحدٍ يجبني بالرضا جيته اعناد ..!
وأحدٍ حرمني بالجفى قلت : أجيله ..!
ماعدت أميز بين ربعي والأضداد ..!
ضيَق مدارك حيلتي بالف حيله ..!
كم ليلةٍ ذكره على البال وقاد ..!
في عتمة النسيان يقدح فتيله ..!
أدفن هيامي داخل الروح وارتاد ..!
صمتي عساني سالمٍ من معيله ..!
والقاه يركض في ذرى الصمت لاعاد ..!
يجبر عيونٍ رافضه بس تخيله ..!
كنت احسب اني كاسب الطيب وإن زاد ..!
ظنيت من حق الحبايب قليله ..!
مدري سذاجه .. مدري هي عادة أجداد ..!
وقت المكارم .. ماتمدَ البخيله ..!
سلَمت له كل المفاتيح ماعاد ..!
مفتاح راسٍ عزته فالقبيله ..!
ماهمني بالوقت مادح ونقاد ..!
عندي تساوت دقها والجليله ..!
ياصاحبي ماهي ترى " لحية جهاد " ..!
لكن أموري بعضها مستحيله ..!
ماهي غريبه غبنة القلب ياعناد ..!
وإن مات عصفور الهوى ..!
لاتشيله ..!