[الاجهر]

لك عين تتكلم بعد ما تسببت
بجروحي وتسأل بعد وش سويت
اخطيت في حقي ولا كنك اذنبت
اللي يشوفك يقول ماكنك اخطيت
انا احسب ان عقلك تعافى وقد طبت
اثرك على نفس العقل ماتعافيت
ياثقل دم اليوم لاسمي السبت
يا ثقل دمك كل ما اصحبت وامسيت
انت اتحرى جيتي كل ماغبت
وانا اتحرى غيبتك كل ماجيت
اذنبت في عرفك والاكنني تبت
الله يسامح زلتي يوم زليت
الصدر يتفجر بعد حالة الكبت
وانا اشهد ان صدري تفجر ومليت
اغسل ايدينك اني اجيك لو شبت
معروف عني دام صديت صديت

الموضوع الأصلي: لك عين تتكلم بعد ما تسببت | | الكاتب: الاجهر | | المصدر: شبكة بني عبس