[سعد الشقل]

السلام عليكم ورحمة الله وبركاته


الكثير منا سمع البلوتوث المنتشر عن مقطع قصيده ((يالله انكـ لا تعيد العسكريه))


واليوم انقل لكم القصيده كامله ورد شاعره على صاحب القصيده



[POEM="font="Simplified Arabic,4,tomato,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يالله انـك لاتعـود العسكريـه=والزمان اللي على البدلـه حدانـي
لبسوني لبسـة ماهيـب ليـه=درعونـي باللبـوس المشبهانـي
دربوني مثل تدريـب المطيـه=والصعب منـا يعـود مطوعانـي
العريف المستلم طبـق عليـه=والخفارة طولـت والنـوم جانـي
يالله انـك لاتحملنـا زريــه=حيـث حنـا للمعاصـي ماندانـي
يا وجودي وجد حُمُراً عيدهيـه=ساقطاً منها الحقب ويـا البطانـي
فوقها قرمـاً بباكـوراً قويـه=من وراء العارض يبا دار اشهراني
قطّـر القربـه وقـدم قيهميـه=مع زوال الظهر يوم الشوف دانـي
هسها العرقوب والديره رديـه=لين دم الجوف بالذرعـان حانـي
او وجوده وجد عَرَباً فوق طيه=في لهيب القيض معطيتـن ثمانـي
هملن اعيالهن بـارضٍ خليـه=واصبحـن اعيالهنـه ذيهابـانـي
يوم جن البير ليهـي جاهليـه=ماعليـهـا لا ورود ولامحـانـي
بركن بالشمس تصهرهن شويه=كل منهن كنه الخـرص العمانـي
لو بغيت ادله الطـاري عليـه=واستحس القلب والهاجوس جانـي
يوم اشوف الدين مرتجدن عليه=والظهر عريان والجوع ايحدانـي
طالباً رزقاً تحطـه فـي يديـه=ماعلى بابـه شريـف ولاهدانـي[/POEM]


وهذا رد الشاعرة الشمريه


[POEM="font="Simplified Arabic,4,royalblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]وسِّـع الملعـب لقـاف الشمريـه=وسّعـه للحـق أنـا بطْلِـق عنـانـي
خلني لا تْحِـط قيـدك فـي يديَّـه=ولَّعَـتْ ألفـاظ شعـري و المعـانـي
جمـرةٍ كتمانهـا صعـبٍ علـيّـه=كـل شاعـر لا كِتـم شعـره يعانـي
يشتِعل من شان يسْتهدي بضيّـه=كلّ طرقـي فـي دروب الليـل عانـي
هزّني شاعر سمعتَه فـي عَشيّـه=( عسكريٍ ) يشتكـي مـرّ الزمانِـي
قال ( ربي لا تعـود العسكريـه )=( و الزمان اللي على البدلـه حدانـي)
قلت أكيد الرجل واقـع فـي بِليّـه=أو مصيبـه صكِّتـه بيـن المحـانـي
قال وشو ( درّبونـي كالمطيّـه )=و اتِضح مقصود شعره لـي وِ بانِـي
طار قلبي و أثري الدعوى كِذَيَّـه=ما أقـول إلا يـا دانـه دانـي دانـي
استلمها جَتْك نِصح اخـتٍ لِخيَّـه=ولا أبي مـن وقتـك إلا لـي ثوانـي
قُمْ وِ صلي و اردع النفس الشِقيّه=و احمد اللي يرتجيـه إنـسٍ و جـانِ
الله اللي مدّ لـك رزق و عطيّـه=حـرِّك بحمـده يديـنـك و اللـسـانِ
كان شغل (العسكري) متعب شِويَّه=قبلك اللي من التعـب عـضّ البنـانِ
الرجال اللـي يخوضـون المنيّـه=كـلّ صعـبٍ يَحْمِلُـون إلا الـهـوانِ
إسأل الصحراء وِ صمت المهمهيّه=عـن فعايلهـم وِخِـذْ منهـا البيـانِ
كيف شقّوا بالصخر مجرى وِ مَيّه=كيـف عاشـوا مِـعْ ذيابتهـا بأمـانِ
صادقوا في مشْيُهم شمسه وِ فَيّـه=وِ عْقِدوا مَـعْ بـرّده و قيظـه رهـانِ
كلّ من له نفس صبَّـاره و حَيَّـه=بـإذن ربـي يقطـف ورود الأمانـي
لا تِشَكّى ... أشهد إن العسكريـه=غِصـن رزقٍ وارفٍ رطْـبٍ وِ دانـي
كَمِّ بيتٍ من وراهـا شـبِّ ضيِّـه=يغْرِفـون اللحـم دايـم بالصـوانـي
و كم راسب بالفصول المدرسيّـه=ما لقـى فـي غيرهـا رزق و مكـانِ
( جندي ) و راتِبْه خمسُ وكم ميّه=نعمـةٍ مـا يجحـده غيـر الجـبـانِ
اضربوا ( للعسكري ) أحلا تحيّـه=لَوْهُ ( جندي) أشهـد إنـه راعِ شـانِ
حَيِّ (عَينه) لا غَفتْ عين البريّـه=أسْهَرَه لجـل الوطـن حـبّ و تفانـي
اللي لا صِحْنا رمى ( روحه ) هديّه=يوم غيره مـن غـلا روحـه أنانـي
لا تلومونـي بحـب العسكـريـه=لـو أغنـي دَهْـر حُبـه مـا كِفانـي
خيرها طَـوّق بَعَـد ربـي يِديّـه=رزق (ابوي) وْ شِغل (اخوي) بهالزمانِ
و أنا بنـتٍ لا جحـود ولا غبيـه=و احمد اللـي بالرضـا دايـم كسانـي
في ردودي دوم لي ب(النصح) نِيّه=لا طلب شهـره ولا هـو شـي ثانـي
عِنْد هذا البيـت وَقَّفـتْ المطيّـه=وِ اكتمل ردي عسى المقصـود بانِـي[/POEM]

الموضوع الأصلي: يالله انكـ لا تعيد العسكريه | | الكاتب: سعد الشقل | | المصدر: شبكة بني عبس