[ناصر الرشيدي]

سلامتك
من كل شئ يتعبك
سلامتك
لو كان مني انا سلامتك

مابي سوى الفرحه تجيك لو تطلب افراقي
اهم شئ الحزن لا يقرب عيونك
لأني اموت
بمفارقك
واموت لا شفت الحزن
في همستك في كلمتك

مابي تبوح
ريح ضميرك يالغلا
مابي تبوح
اسكت ولو موتي بسكوتك به حلا
مابي تبوح

لكن ابي تعرف وتدري بان

ماغيرك ملى عيني
ماغيرك سكن قلبي
ماغيرك شغل فكري
ماغيرك ضوى دنياي

وتدري

اني اتعذر بأي عذر واسأل عليك
حتى لو العذر احياناً بايخ ادري
بس اللي ما تدري اني قلته لجل اسأل عليك

وتدري اني حتى وانا ابوح لك ماني مرتاح
لأني ما أبي احد يشوفك فبوحي
وما ابي احد يعرف انك روحي
ومابي احد يكشف جروحي
الا انت

وتدري بعد

اني كل يوم اعيش بحلم جيتك
والحالنا ما حولنا احد
بس بسولف لك لحالك مابي احد
بس ابشكيلك لحالك مابي احد
والموت كل الطرق بيدك
وانت ما كنك تحس
أمانه حس

حس بمنهو يبيك
وبروحه يشتريك
وعلى نار شوقه يحتريك

وتعال
طلبتك
تعال
ترى وربي من زمن وانا احتريك
والوصل امره بيديك
لأني صعبه اجيك
ماألقى لي طريقه توصلني اليك

....