[سلطان الدويله]

مزيونة من قدمها لين مفرعها
وشلون رب الملا ياسعود سواها


ياسعود لا من مشت ما احلى تهزعها
تمشي وكنها تحسب القاع بخطاها


تاخذ عقول البشر ما احلى تدلعها
بعيونها السود والا ابيض محياها


جتني وقلت القصيدة جاك مطلعها
ياسعود من شأنها سويت من مبداها


ودي ليا قلتها عندي وتسمعها
لا شك قفت ولا ادري وش نواياها


وداعتها واصعب اللحظة موادعها
لحظة موادع حلايا الريم ما اقواها


الفكر فيها وقلبي تلته معها
والفكر لو بيتناسا ما تناساها


ورجعت اكمل قصيدتها واراجعها
ارتب بيوتها واعدل اخطاها


واصعب حروف القوافي له نطوعها
وفي صفحة المتلقي من شأنها يقراها


كلمات : الشرح

مع تحياتي لكم سلطان حبيب الدويله

الموضوع الأصلي: تاخذ عقول البشر ما احلى تدلعها .... | | الكاتب: سلطان الدويله | | المصدر: شبكة بني عبس