[سلطان الدويله]

لا تحسبني يوم اخليك واسج
ناسيك والا ماتجي في خيالي


الشاهد الله فارض الصوم و الحج
انك تجي في كل لحظة ابالي


دنيا العنا رجعتني همومها رج
عايش مع العالم وكني لحالي


ودي على كيفك وكيفي و ننهج
بين السهول وبين ذيك الجبالي


لا فيه هوب(ن) ولا برد(ن) ولا عج
جو(ن) طبيعي(ن) وبرده مثالي


لا شك اشوفك تختبرني وتحتج
ويقول اخاف انك محصل بدالي


ماتدري ان حبك يخج الحشا خج
وانت الوحيد اللي على القلب غالي


هذا كلام اللي من الوقت مرتج
ولا حصل له في وصالك مجالي


كلمات : الشرح

مع تحيات سلطان حبيب الدويله

الموضوع الأصلي: ماتدري ان حبك يخج الحشا خج .... | | الكاتب: سلطان الدويله | | المصدر: شبكة بني عبس