[سلطان الدويله]

البارحه جفني عن النوم ما بات
باسباب ضيقات تروح وتجيني




لي مدة وانا جروحي خفيات
اخفيتها عن هرجة العاذليني




ياكامل الاوصاف بسكات بسكات
جرحتني وابديت خافي كنيني




لا رحت افكر فيك في كل الاوقات
وان جيتني زاد الولع و الحنيني




ادخلتني سوق الغلا و المتاهات
وخفيتني وانا من اول رزيني




ساعات افكر فيك واسج ساعات
وساعات اقول انه جفا ما يبيني




وساعات اقول الحب في داخلك مات
قلبك حجر وان الحجر مايليني




ذكرتني من بعد في فايت فات
واليوم ضاع الود بينك وبيني




الحب مايمحاه بعد المسافات
ولا يمحى حب لجا من سنيني




وباعطيك علم يا هواء البال واثبات
واخذ الخبر يا سيد العارفيني




وصفك غريب ولا يبي له شهادات
الشاهد الله تذبح العاشقيني




عليك من وصف الغزيل علامات
من زين زينك ماخذ منك زيني




والبارحه جفني عن النوم ما بات
باسباب ضيقات تروح و تجيني




كلمات : الشرح


مع تحياتي لكم اخوكم سلطان حبيب الدويله

الموضوع الأصلي: ساعات اقول الحب في داخلك مات .. | | الكاتب: سلطان الدويله | | المصدر: شبكة بني عبس