ياليل انا وياك والهم والضيق
. . . .مثل الصداقه في قروم العيالي
انشهد انك صدق تحفظ مواثيق
. . . .بكيت عيني لين سميت حالي
الضيق ياتيني وانا ضايق ٍ ضيق
. . . .والهم ماقصر عزيز ٍ وغالي
صلة رحم ياليل وألا توافيق
. . . . وألا الشقى مقسوم من شين فالي
الغيم في كفي وانا ناشف الريق
. . . . امطر قصيد ٍ فيه الإحساس عالي
البارحه غنيت بعض الطواريق
. . . . من واقعي ماجبتها من خيالي
حتى كرهت الثوب وازريت لاطيق
. . . .وقررت عن هالخلق اشد الرحالي