اتعبني الحلم..لين الواقع انكرني
....................كني مسكت الفرح بيدي وهديته
مافيه داعي على فرقاك..تجبرني
....................... حتى الجفا منك ولعني وحبيته
الجرح عدى زمانه..... لاتذكرني
..........................هذاك وقت تعذرته وجا فيته
لو شفت دمع القصايد كان تعذرني
.....................تصور ان الشعر يضحك وبكيته
ماغيروني... ياكود الله يغيرني
....................كم واحد عنك.... يبعدني ورديته
وفيت وادري وفايه مايصغرني
....................صوبت يم الهدف.. لكني اخطيته
من طار سرب الغلا والشوق طيرني
....................شف ماعلى الارض واحد ماتعديته
خذني على صدرك الدافي وسيرني
....................بعض الولع ياخذ الرجال من بيته
ابنشغل في عيونك.....لاتدورني
....................ودي بشي اشوفه..ما بعد جيته
خليت قلبي معك...والله يصبرني
....................مبطي وانا اقول..قلبي وين خليته
نسيت اعلمك..طيفك جا يسهرني
....................بس انت ماشفتني وشلون ضميته
إشتقت لك مابغيتك..عاد تشكرني
....................تغيب والشوق..ماعمري تباطيته
ماخذ على خاطري..والبعد قاهرني
....................مدري شسوي..وانا كل شي سويته
العام يوم الوعد..تسبق وتنطرني
....................مستغرب وشلون هالموعد تناسيته
مما راق لي