[(ابوعواض)]

كنت أظن هالدمعة اللي وسط عيني
وانت رايح جت معآي تودعك
لين طاحت مني كنها ما تبيني
من غلاتك ودها ترحل معاك
هذا قلبي هذي عيني وذي سنيني
ما يبونك ترحل و كيف أمنعك

حتى روحي واقفة بينك و بيني
لا هي عندي ولا هي تقدر تقنعك
خذتني كلي أنا وش باقي فيني
خايف أوقف وألقى ظلي يتبعك
روح وسافر بس طلبتك يا ظنيني
عالأقل لو ما أشوفك أسمعك

روح وسافر بس توعدني تجيني
وانت سالم للي ينطر مرجعك
أما عني روح ولي رب يعيني
الله يعلم كيف حال مودعك
صرت أحسد من كثر شوقي و حنيني
حتى هذا الخاتم اللي ف اصبعك ...!