عمر نثرتيه رحت انساك و المه=و الى تذكرتك .. اذكر عمر تشتيتي
انتي وقتي و حظي ما لكم ذمه=ياما على ونتي غنوا و غنيتي
واجرحي اللي نفذ صبري و انا اضمه=كيف تناسى صوابي لو تناسيتي
يا ليتني قبل اكذب راعي النمه=سويت في طفلنا اللي فيه سويتي
انا (الوفا) بين اخوه و بين ابن عمه=و انتي (الجفا) وين ما رحتي و حليتي
يمكن نخيتي الزمان و شح باللمه=او شفتي الصدق زودها و مليتي
كذآآآآآآآب لو قلت قلبي راح ما همه=و الفين كذآآآآآآب لو ما قلت حبيتي
يا اللي تركتي الهوا غرقان في دمه=جيتي غريبه و رحتي مثل ما جيتي