� ﬗ▁▂▃▅▆▇★☀二ان لم تكن ذئباكلتك الذيابه二☀★▇▆▅▃▂▁ﬗ
بسم الله الرحمن الرحيم
تحية طيبة ... أهديكم هذة القصيدة أرجو ان تنال أعجاب أحبتي وجمهوري العزيز علي قلبي
  (أن لم تكن ذئباكلتك الذيابه)
اناعدو اللاش ماني زلابه
وابوي ضرس وناشد من خوالي
واقرب دليل اني سطحت الرقابه
واعطيتهم كرسوع وانا الحالي
وخليت لي في دايرتهم مهابه
ورفعت عن لاشياالبسيطه مجالي
من حسن حضي يوم شفت الكتابه
وقريت ماخلف السطوروطرالي
ان لم تكن ذئبا كلتك الذيابه
ويبلش ببلشتك الرفيق الموالي
واناحفيداللي نهارالحرابه
يروى السيوف المرهفات السلالي
مقدم عرب ماني قليصة نسابه
واللي يوردني على الماء حبالي
فالحرب سيف مايخونه نصابه
وفى السلم تلقى حيلتي دون حالي
وانارفيق اللي عزيز جنابه
واللاش يلقى له رفيق بدالي
وعصابة اللي مال راسه عصابه
اسم من اسم خلدته اليالي
وربعي ملاذاللي تقزا ركابه
امتيهت حسك الوبر فالمفالي
ماني بمن ياتي ولا يندرابه
انامن ال مره يظلل ظلالي
والشعر قصرتسهج الناس بابه
ماهو بالفلان الفلاني ولا لي
قدلي واناشوف الخطى واجتنابه
الخوف من شرهت كرام السبالي
سولفت وصدورالرياجيل غابه
ولابه ابعد من قلوب الرجالي
واللي من الشعارقلبه ربابه
من حكمة المعنى ولابداع خالي
لاقام مايطري على البال جابه
شي يقال وشي ماهو يقالي
خبل حضوره ولاغياب متشابه
وترزه الفزعه وخشم الريالي
والشاعر اللي مايثمن جوابه
يحسب حساب لضيقتي وانفعالي
ياكثر شعارالبيوت الخرابه
كل على ليلى حياته يلالي
وانالو ابغي ا حطهم في ضبابه
هجرست ورخيت العنان الخيالي
وانشت سحابه مقتفيها سحابه
تبدابفال ومقتفيه العقالي
ماهي بلحيت واقفة وانقلابه
يامدخل ايدك في ثمي الجمالي
ومسيلمه لو صدقوه الصحابه
كان اشركو بالله عزيزالجلالي
,,,,,,,,,,,,,,,,,,,,,,,,,,,,,,,,,,,,,,,,,,,,,
تــحياتي... هــــرم عبــس
آخر تعديل بواسطة بندرأبن طريف المظيبري ، 28-01-2011 الساعة 11:06 PM.
|