[فواز الفايز]

السلام عليكم

انا كنت اطوف بين المنتديات ولفت انتباهي هالموضوع ولاني لي ولد خالي واهوضابط من الضباط اللي كانوا يحققون بهالقضيه فحبيت اقولكم معلومه لان الساكت عن الحق شيطان اخرس

المهم اخواني يؤسفني ان الاخ ابو حنش كتب هالكلام اللي فيه طعن في عرض الناس وخاصه انه يقول انهم من قبايل الشمال وانه يعرفهم فياليته قبل لايطعن فيهم كان راعا ربه وحط حاله في مكانهم قبل لايقول هالكلام اللي اساسا مادري من وين جايبه ولا يمت للحقيقه بصله ابدا.

انا بقولكم شنو قصه هالجريمه

اولا اللي قتل البنت رجل من غير محددي الجنسيه واهو له صله قرابه في المذكوره وتزوجوا ولهم اثنين من الابناء بنت وولد وصارت مشاكل بينهم وتم تسجيل اكثر من قضيه قبل الجريمه لانه سرق حلالها وأكثر من مره خطف الاولاد اللي اهم بحضانه امهم وللعلم كان يبي يخطفهم علشان يساوم امهم وطبعا من كثر القضايا والمشاكل اللي سواها وكم مره يهددها بالقتل حطوا عليه الداخليه ضبط واحضار

فصار يهددها من بره الكويت ودخل للكويت اكثر من مره بجوازات مزوره ولكن لانه انسان متعود على التزوير محد صاده

المهم اهو دخل قبل جريمته بشهر وكان يراقب طليقته ويعرف مواعيد دوامها ومراجعاتها بحكم زواجه منها سابقا ويعرف اي المستشفيات والعيادات كانت تراجع

وكانت خطته يالغالين انه يقتلها ويهرب من الكويت ومحد راح يدري انه هو القاتل بحكم انه داخل بجواز مزور ولما تموت اهي وينتهي كل شي ومحد يعرف القاتل يجي عاد هو الكويت وكأنه ماسوى اي شي وياخذ عياله وورثهم من امهم ويرجع لديرته اللي هو جايب منها جواز ولكن دائما الدم مايروح ابد والله حب يفضحه وصادوا معلومات عنه اثبتت انه هو الفاعل

واهل البنت مايدرون ابد شنو اللي صاير وماعرفوا شي الا بعد استدعاؤهم للتحقيق في نفس اليوم اللي انقتلت فيه اخر الليل

والبنت يا اخواني ماتت واللي قتلها هرب وموقفها عن هالعماره قالي الضابط ان القاتل هو اللي حدها ولف عليها بسيارته علشان توقف وللعلم حارس العماره اكد انه ولا مره شافها ابد وطبعا تبون اتعرفون شنو اللي جابها لهالمنطقه اكيد ... انا بقولكم اهي كانت عندها مراجعه في مستشفا السلام اللي هو خلف هالعماره بالضبط ولها موعد نفس الساعه اللي صارت فيها الجريمه وطبعا تم التأكد من هالموعد من المستشفا والدكتور المتابع لحالتها وطبعا مايصير حطت هالموعد بعد ماماتت.


اخواني واخواتي انا اعرف معلومات وايد ولكن مايصير احد يتكلم عن عرض عائله كويتيه لها اسمها وشرفها ويطعن في شرفهم خصوصا ان بنتهم ماتت واهي عند رب يحاسبها ان كانت غلطانه والقاتل لو انه على حق كان يا اخواني واخواتي ماهرب لانهم قبيله شماليه كان بالعكس لو الامر فيه شرف على حد كلام اخونا ابو حنش كان اهو اللي سلم نفسه وافتخر انه طهر عرضه ولكن والله يا اخواني التحريات اثبتت ان البنت ماعندها اي علاقه والكلام اللي طلع عن ضابط وغيره من كلام والله ماله اي اثبات والجرايد الفته علشان يكون في شي يشد القراء ويكون البيع كبير وللعلم ان اخوانها طالبوا بتحقيق على الكلام وبيرفعون قضايا على كل جريده طعنت بشرفهم وهذا الكلام انا قلته لان الساكت عن الحق شيطان اخرس والسلااااااام ختام


اتمنا يا اخواني ان محد يحط بذمته على اي انسان حي كان والا ميت لانه ربنا هو اللي يحاسب الاحياء والاموات



اخوكم

فواز الفايز