[ضوء]

.
..

مـدامـ كفـّـــي بالعطـــــايـا محـنـّـا
ماخون معطيني ولاآخون حنـّــــــاي

واللي عطانـي بـس مـــرّه وثنـّـا
أعطيــــــه ماآحسّب لكثـرة عطايـاي

كثــــر العطـــا لا جـاه منـّـا ومنـّـا
يحتــــار في رد الجمايـل لشـرواي

وأنا عطيتـــكـ مـن قبـل لا اتـّـمنـّـا
لين ازعلت يسراي من طيب يمنـاي

الجـــــــود فـنٍ فيـه طبعـي تغنـّـا
ولا طربت لعــــازف العود والنـاي

أقصر خطــاوي من عشانـي تعنـّـا
من قبل يمشي لي تسابق له اخطاي

لو هو بعيـــــدٍ عـن معالـمـ وطنـّـا
احسّه اقرب لي من دماي لأعضـاي

أرتاح في قــــرب الوفـي وآتهنـّـا
ولاآدوّر الاّ ارضاه من بعد مــــولاي