تلعب بنا الدنيا على جمر الأقدار
والوقت عمره من دقايق فرحنا
الين صرنا بدرس الاحزان شطار
ولو هو شهادة تندرس قد نجحنا
كم دمعة تسوى ثمانين مليار
من الكلام الي نقول وفضحنا
نكبر ويكبر همنا مثل الاعصار
ونقول باكر تنفرج لاسرحنا
نهوى ونعشق بالمدامع والاشعار
وفجأة نشوف الي نحبه جرحنا
نضحك نقول ان الفرح طول أعمار
وحنا الحزن بصدورنا واكتسحنا
كنا صغار... وننتظر نصبح كبار
نبي نحقق كل شيْ طمحنا
واليوم نحلم اننا نرجع صغار
وننسى البحورالي بها قد سبحنا
أحلام نبنيها على احلام تنهار
على الطريق الي بأرضه كدحنا
دنيا شوتنا شوية الطير بالنار
ويا كثرماحنا شكينا وشرحنا