23-01-2011, 12:33 PM
|
يوم هبّ الوقت و أعماني عجاجه=الفرج عيّا و أنا بالصبر راهي
ويوم مال وطال ميله وأعوجاجه=رحت أدوّر شين يشد إنتباهي
وشفت زولك مقبلن مثل إنفراجه=كنّه اللي جايبن عزّي و جاهي
ياه يا ضيقات صدري وَ إبتهاجه !=تذكر آخر مرتن شفتك متى هي !!
صاحبك من يومها زاد إحتياجه=وأمتطى ظهر المصايب والدواهي
سولف الليله على قلبي و ناجه=من بقى لي غيرك أفخر به وَ أباهي
يابعد من كدّر غيابي مزاجه=وَ يابعد من مرّت حروفه شفاهي
رغم حيرة قلبك ورغم إنزعاجه=الزمن ماغيّر احساسه تجاهي
ورغم وحشة بعدك وَ قسوة سياجه=كل حاجه فيك ظلّت مثل ماهي !
الخجل في وجهك أول مـ نتواجه=والبراءه في عيونك وأنت ساهي
و بسمتك لامن بغيت تقول حاجه=وغيرتك لاشفت كنّي عنك لاهي
قبل أشوفك والزمن عاقد حجاجه=أسأله : وش فيك ؟! وألقى العذر واهي
ويوم شفتك قلت للوقت وعجاجه :=هيه ياللي في طعونك كنت راهي !
أنت لو غيّرت فينا ألف حاجه=القلوب البيض تبقى مثل ماهي
توقيع مرآهيش |
أعلنت هجري للشقا و دروبه=وصديت وجهي عن وجيه ذنوبي
كم شاقني طعم الطُهُر والتوبة= قد ما صَرَخ فيني ضميري توبي
أبا اعتزل حلو الهوى وعيوبه= ثوب الجَوى والله ما هو ثوبي
|
|