يـــمــه ويــن أبـــوي..؟ قلتي بيجي بكره...
وقلتي بيجي بكره....!
متى يجي بكره....؟!
أناأعرف الصبح يصيرهو بكره ...!
وكل يوم يجيناالصبح بس مايجي بكره....!
الله يايمه...ياكرهي لبكره....!
صبري قضى يمه معادفيني حيل
يمه....
من يوم ذاك الصوت القوي اللي يهزالبيت وأبوي ماشفته
صوت ايش يايمه....؟!
سمعت معه صراخ ...وصوت إسعاف وحكي وبكاء...!
وأنتي تقولين أدخلي في غرفتك ودخلت أنافي غرفتي ...
وجلست لحالي ...إلين جاءبكره...
وأبوي ماشفته...
سهرانه طول الليل
يمه سمعت سلمى تقول...إن أبوهاقال ...نوره يتيمه...
طبعآضحكت وقلت ماني يتيمه ...
أمي معي
بالبيت...وأبوي..بيجي بكره بس القهريمه من سالفة بكره...!
مدري متى بكره ....؟!
ياويلي منه يايمه...!
ياويلي منه ويل.
يمه
أحس بدمعة عيوني أقبلت...
والعاده يمسحهاأبوي...!
هالمره خليهاتسيل...
أدري بهادمعةيتيم ...
وأدري بعدإني يتيمه...!
تكفين يايمه...
خليهاهالمره تسيل...