[ياسر العرعري]

" صدمة الواقع "


.. مصافحه أولى .. عسا أن تحوز على جزء من رضاكم ..

.. وكل عام وانتم بخير ..

ياحبيبي .. ياغناتـي .. يافـرح قلبـي وعيـده=ياحياتي .. يامماتـي .. ياجوابـي .. ياسؤالـي
ياقصيدي .. يانديمي .. ياسجـن فكـري وقيـده=يادموعي .. يا ابتسامي .. يامنى روحي وبالـي
ياحضوري .. ياغيابي .. سيد الحـال ورصيـده=ياجروحي .. ياعلاجـي .. ياسبايـب ماجرالـي
يامناي .. ويارجاي .. وياهنـاء حلمـي وسيـده=يازماني .. يامكاني .. ياضيـاء وجـه الليالـي
أنتهت رحلة غرامك .. والعوض رحلـه جديـده=أنتهت رحلـة عذابـي .. مالـك الليلـه ومالـي
حكم صادر من " ظروف الوقت " مايمكن نعيـده=خلك بحالك لحالك .. وأنـا فـي حالـي لحالـي
هاجت الامي .. وجد الحـزن .. والفرقـا أكيـده=والرحيل أصبح ضروري .. والوصل والله محالي
تهت في حلو الغرام .. وعشت في لحظه سعيـده=والهدف قدامي واضح .. أقترب يـوم الوصالـي
كانت النيه سليمـه .. وكانـت أفكـاري بعيـده=ناسـي همومـي وعنهـا مبتعـد دالـه وسالـي
بعدها شفت الحقيقه.. وصدمة الواقـع .. شديـده=أه من فرقا الحبايب .. وأه مـن قهـر الرجالـي
قلبي ينزف .. هم جاير .. من وريده لي وريـده=ملتحف ذكرى قديمه .. ماحصـل فيهـا مجالـي
أجبر كسوري وأثرني عكـس ماجبرتـه أزيـده=لاحلـول اليـوم تافـي .. لا ولافيهـا أحتمالـي
أعذريني في رحيلـي صـارت الرحلـه وحيـده=والظروف الي حدتنـا .. مالهـا حـل وزوالـي
في أمـان الله ياغالـي يحفظـك حافـظ عبيـده=الوداع اليوم .. وحل ومـن حياتـي وش بقالـي

وسلامتكم ..

الموضوع الأصلي: صـدمـة الواقـع .... ! مصافحة أولى .... | | الكاتب: ياسر العرعري | | المصدر: شبكة بني عبس