[دنياك أنا]

على ذكر المواجع والسفر

والحل والترحااااااااال

طويت آخر ورق عندي في دفتر أحزاني ..
طويته وأنكسر قلبي وصوتي
بالمواجع سال ..

ودريت إن الظلام اللي تحت
كف السهر جااني ,,
جلست أجمع مسافاتي ... وأغني للسفر موال

على صفحه من الماضي بها حلمي وعنواني ""

بها كم سافرت عيني

ليالي ..... والظلام أهوال ..

وبها كم سافرت روحي

وأنا بالليل وحداني ""

حبيبـــــــــــــــي ,,
ليلة البارح ... مشيت من الغرام أميال

وأناظر رحلة الذكرى ....

هدب عيني يغطيني ..


حبيبـــــــــــي ,,

كل ماأ شوفك تجي بالذاكره تختال
نهر من فايض الذكرى يجي

من داخل أشجاني ""

تخيل ..يوم عانقني خيالك ..
خاطري وش قال ؟!!

تخيل ..قبل أسولف لك ..
نشدني لين خلاني مدينه ... هزها زلزال !!

تخيل .. ماهدى حتى لقاك ..
بوسط شرياني

أروح لسدرة الموعد معاي
اموعدك مرسال ..

وأخاف إنك تجي قبلي
وترحل قبل تلقاني



هناااا ......

كانت مواعيدك ..
مطر تخضر به أغصاني

هناا ..

كانت نواظرنا..
سوالف في كلام أطفال

وهناا..

كانت عصافيرك ..
على دربي تحراني

هناا..

شف باقي آثارك..
على رمل الوعد مازال

وهناا..

شف دمعة طاحت ..

من عيونك على شاني

حبيبي ,,

لاتنشدني عن أوضاعي..؟!!

وكيف الحال..

أنا بعدك سحاب أبيض أضم الريح
بأحضاني ..
غلاك بدلة الذكرى بهار
وهاجسي فنجال ..

تقهواه الجروح اللي بها
ذكراك تنصاني ..
تسافر بي وأحسب اني
وصلت اخر وطن بالبال 0..

وأثرني ماوصلت إلا بداية
درب حرماني ..وتبقى سيرة الذكرى
قصيده تكتب الترحال
سوالف للعيون اللي صداها
دمعة أحزاني ..