تتعبني اللهفة وانا البعـد مضمـاي
في غيبتك أيـام عمـري ضريبـه
ابطا القمر غايب وانا تاه مسـراي
ودايم اراقب مطلعـه مـع مغيبـه
يا قاصر الخطوة وانا عجْله خْطاي
يا مِبْعـده روحـك لقلبـي قريبـه
محتاج خدك نور في عتمة الجـاي
وعينٍ حنونه فـي الليالـي رقيبـه
يا ما شربت المرّ الهـث ورا دْواي
ونّ العليـل وعلّّتـه مـن طبيبـه
مصيبتي ان كان تـدري ببلـواي
وان كان ما تدري هي اكبر مصيبه