12-01-2011, 09:52 PM
|
|
حس فيني ياوزير الخارجيه
يوم ضاق الصدر عمّرت الزقاره
لين جبت من البيوت السامريه
حيث في قلبي لواهيب وحراره
من علومٍ بيّنه ماهي خفيه
المحبه ماتجيب الا الخساره
والهوى غدار ما يرحم خويه
لاتمكن بشر العاشق دماره
مايفيده لو يدن الهاشميه
كم شجاعٍ ذل من حصه وساره
وكم عقيدٍ طاح من ظهر المطيه
مير أبنخا شيخ وبراسه نعاره
هو ملاذي من بعد رب البريه
من مواريث البيارق والنماره
فزعته عمت على كل الرعيه
من عطا يمناه ماتدري يساره
طير شلوا بالليال السرمديه
أخو مريم ريف ضيفانه وجاره
مدهل اللي عيشته صارت شقيه
قصدي محمد ذرى شعبه وداره
بن صباح الخير والكف النديه
ياوريث المجد ياليث الاماره
ياعريب الجد يازبن الونيه
لي حبيبه حبها طاغي قشاره
ساكنه بين الضلوع المزعليه
لاتمشت صاروا العالم سكاره
وان حكت كنك على حوض المنيه
وان تبسم ثغرها يعمي حماره
ما يشابها شبيه ولا حليه
ماخذه زين البداوه بالحضاره
وعيشتي باسبابها ماهي هنيه
لان ابوها من سفاره لي سفاره
قام حظه بالديار الأجنبيه
ويومهم ذاعوا ياخو مريم قراره
سافرت من فوق متن الجابريه
ياطويل العمر يارمز الظفاره
حس فيني ياوزير الخارجيه
ياترده يشتغل وسط الوزاره
أو تعيّني معه بالقنصليه
منقول
|