افتح ياسمسم .. جيت ادور لي احباب
عدنـان انـا وابحـث عـن ديــار ليـنـه
تايـه وادور مـن ورا فـكـري ابــواب
او لا ..ادور مـــن نـجــى بالسفـيـنـه
قلـب" كفـر فـي عالـم العشـق ماتـاب
وش دخل احسـاس البشـر بالضغينـه
لينـه .. فتـاة" بــاول العـمـر تـرتـاب
تـخـاف لاسمـعـت ضـجـيـج المـديـنـه
لينه .. يتيمه مالهـا اصحـاب واقـراب
ليـنـه .. بريـئـه بــس دايــم حـزيـنـه
مـن مـات ابوهـا بعينهـا موتـة كـلاب
قـدامــهــا ذااق الـقــهــر والـغـبـيـنـه
وفزعـة اخوهـا بيـن صـادق وكــذاب
لـحـق ابــوه ودمعـتـه وســط عـيـنـه
هي تدري انه مات والعمـر بـه غـاب
وهـي تـدري انـه مـات عالـي جبيـنـه
لكـن بـقـى فــي قلبـهـا لــوم وعـتـاب
تمشي شـوي .. شـوي وتقـول وينـه
وينه زمان العز وش جاب وش جـاب
مــابــه طمـانـيـنـه ولابــــه سـكـيـنـه
لينه .. بكت تحت الخطر بين الاجناب
تكـسـر يـديـن الـلـي تـمــادت يـديـنـه
في صوتها جرح" بكى موت الاشناب
(( زئير ليـث" )) ولعـوا فـي عرينـه
سمعتـهـا تـقـول خــاب الـرجـا خــاب
وان كــان فيـكـم حــر يـرفـع يمـيـنـه
اقفـى بهـا عبسـي ولاحسـب حـسـاب
شـاف الزمـان اغبـر وغـبـر سنيـنـه
راح يتمخطـر واحتـرامـي للاصـحـاب
ماغـيـر شـجـب وبالـخـفـا محتمـيـنـه
لكـن محـال يـدوم هالحـال لــو شــاب
راس الطفـل يجيـه مــن هــو يهيـنـه
يالينه وينك.. منتـي ب صفحـة كتـاب
انـتــي حـقـيـقـه والــمــلا خـابـريـنـه
مايضـيـع حـقــك دام لـلـحـق طـــلاب
طـــال الـزمــن ولا قـصــر تاخـذيـنـه
وبكـره يجـي عدنـان يااولـوا الالبـاب
ويـفّــرح الـلــي زاد هــمــه ونـيـنــه