11-01-2011, 09:48 PM
|
|
المخطي ان جالك مع حسن الاعـذار سامح خطا الزلات و اكسب اجرهـا
ان ضاق صدرك ودك تبوح الاسرار
اعرف ترى هالناس اضيـق صدرهـا
لا تشتكي هم ٍ كبـر فيـك وان جـار
ستر الهموم اخير ترى مـن ذكرهـا
من شاف غيره في عنا الضيق ينهـار
هانـت عليـه مْصيـبـةٍ يحتقـرهـا
بيشوف وشلون الصغاير غـدو كْبـار
لا طاحـت الجـرّه و بيّـن كسرهـا
المخطي ان جالك مع حسن الاعـذار
سامح خطا الزلات و اكسب اجرهـا
والزله اللي تْكـررت عـدة امـرار
الذنب فاضح و احتشم عـن عذرهـا
والديره اللـي جوّهـا عـج و غبـار
ما تمنع ظْروف اهلها عـن هجرهـا
والنار جايز تضمر بْحـكّ الاحجـار
لا تستهيـن بْـذات تجهـل قـدرهـا
والحايط ان كان اهدمه عود مسمـار
وشلـون تامـن هالبيـوت بْستـرهـا
الشر طاغي ما عطى الخيـر مقـدار
والا القلـوب الطيّبـه يـا كثـرهـا
واصعب سؤال اللي يبي منك تختـار
لا صـار حـل المسألـه يختصرهـا
مـن يتبـع الشهـوات لابـد ينهـار
احفظ قدر نفسك لجـل مـا تضرهـا
كل أزمه و تعدّي مع جهد واصـرار
واقلع فروع المشكلـه مـن جذرهـا
وان كنت من سبّـة بلاويـك محتـار
لابـدّ يـوم بْتنـفـرج و انتظـرهـا
الصبر لو هو مانْفعك ماهـو بْضـار
للنفـس طاقـه واستعيـن بْصبرهـا
الحـظ فوْجيـه المقـاريـد غــدار
لـو تبتسـم يطلبْـك تدفـع سعرهـا
وش مكسب المنحوس من عدّ الاصفار
غير الشقا و همـوم يكبـر كسرهـا
الله يعيـن اللـي عليـه الزمـن دار
ضاقت به الدنيـا و عـاش بْعسرهـا
لا تشتكي للذيب عـن هجعـة النـار
ترى المصايب مـا ينومـس ذكرهـا
وان ضاق صدرك بْسبب شِين الاخبار
بعـض السوالـف لا يهمـك أمرهـا
مراق اللي من قصيد
|