النازي
يناصر العمده تحيزم وأنا أخووك=الحرب قامت فوق راسك تغنـي
خانوك ربعـك بليالـي وخلـوك=لعل حزبك من هواها يكني
ناصر خنيفر
مافيه غير الخير والباب مصكوك=صكيت باب الحرب عنك وعنـي
ربعي ماخلوني لاتكذب وانا اخوك=خل النظر يبعـد لايـات متدنـي
النازي
وين أنت غادي يوم تمشي على شوك=انجـر والله فـوق راسـك يـدنـي
غشوك بعض الناس من يوم باعـوك=ليت الجحش شيعي ولاهـو بسنـي
ناصر خنيفر
انته تجيب العلم والعلم مشكـوك=راع الكذب مهما كـذب ماشحنـي
ياهتلرالنازي على النـاس فكـوك=وذهب شعوب الارض للحرب شني
النازي
لاتحسبني عايفك يـوم عافـوك=سود الليالي ماعطنـك عطنـي
ياناصر العمده ترى منت صعلوك=اشوف سلمه ماتبيكـم ياهنـي
ناصر خنيفر
الحزب لو يسكمع كلامك توطوك=لكن عن علم ٍ نطقـت استكنـي
اسباع حزبيي ياومرنا تعشـوك=شف وش حصل قدام تات امتعني
النازي
تقولها وانته متورط ومربـوك=مهمني لو قايد الحـزب جنـي
مير أستمع يصاحبي يوم غروك=أحس قلبي في مقامـك يحنـي
ناصر خنيفر
مافيه ورطه شيكنا داخل البوك=اشريك وبيعك بدرهـم وينـي
لاعل يوم ٍ جابك اليوم مبروك=حذفك ربي وحمسك حمس بني
النازي
يشايب ألي غادين يوم حاسوك=أبحشمك من شان سنك وسني
والله لولا العيب لقول شاتـوك=مير أللتزم بصمت لايخيب ظني
ناصر خنيفر
انته من ايا ناس ياطيب الصوك=خاف اجرحك وتصير فيني ومني
يابان علمك والمخاليق شافـوك=يمكن يحوشك راس رمح المطني