رساله من زوايا الامس !
.
.
مدخل/:
صباح العيد ياوجه الصباح وياصباح العيد
صباح اجمل من الدنيا ولذتها ومافيها''
هذيك اللحظة اللي تستحق الذكر والتمجيد
يخلد ذكرها التاريخ لحظة نحتفل فيها''
على باب الصدف جينا بلا موعد ولاتحديد
تلاقينا ولا ادري كيف بس انا تلاقينا"
.
.
اكتظت الأوراق
بإسمـها / رسمـها
ومازالت ترسل نفحات
الــ [ شوق ] روحا
تهز اوتار الــ [نبض]
لتنبأني بأني
[ أحبـــــها ]
.
.
عرفت إن السعـادة بسمـة الأحبـاب !
ولمست إن البـلاد عيـون غالينـي !!
بيوم الحزن كشّـر للمفـارق ... نـاب
سمعـت الريـح والذكـرى تنادينـي !!
مقلط بيتنا ! ودلالنـا ! ..... والبـاب !
تبي تصـرخ دخيلـك ... لاتخلينـي !!
كفوف اخواني تلـوّح وش الاسبـاب !؟
وصوت امي علـى نفسـي يوصينـي !
بظن إن الرحيل و وحشـة الاغـراب !
تصير مهند ٍ يدمـي .. نحـر دينـي !!
رحلت وفي عيونـي كانـوا الاصحـاب
مصابيح ٍ تضـوي عتمـة سنينـي " !!
وطارت من يدينـي أمنيـات اسـرااب
ولاحطت علـى ضفـة .. عناوينـي !!
ومـرّت صورتـك وترقـرق العنّـاب !
ولون التووت غنّـى فـي شرايينـي !!
ياليت آكـون حلـم يعيـش ماينجـاب !
وانااااام وصفـة رموشـك تغطينـي !!
واحلق بـك سمـا ود وغـلا واعجـاب
وفي قلبك عـن العالـم .. توارينـي !!
واذا تسأل : صحيح إن الهوى غـلاّاب
جوابي لـك : تكـرّم ناظـر بعينـي !!
تشوف إنسـان بهيـام المشاعـر ذاب
يغني لك " أحبـك لـو تجااافينـي " !!
وحانت رحلتـي والأمنيـات ركـااااب !
مقادير البدو ... ...قامـت تسرّينـي !
رحلت بـحلم شايب وبعزيمـة شـاب !
مرامي : عودة الـورد لـبساتينـي !!
حبيبي ماعلى الصلب الكسيـر عتـاب !
وانا جور الزمـان المـر .. مروينـي !
تعاتبني ! ... وانا مابين ناب وناب !!!؟
وعن لمّة حطامي ... عجزت ايديني !!؟
كفاني من عذابـي وحشـة الأغـراب !
وأنا اشوف بعيونك ..... " لاتخليني " !!
.
.
تسألين وش دفعني للرسالة
كلمتك البارح /:
(وش ذنب حبيبي يتصل ويحصله انتظار)
عارفه ان هالعبارة وقفت عندها ولا قدرت اتجاوزها عارفه ليش لانها اصدق عبارة سمعتها لاتستغربي اذا قلت لك انت غير فعلا انتي غير
وكلي ابتهال واماني صادقه لك بأجمل حب
اعرف يمكن تتضايقي بس هذا كلام بنفسي كان لازم تسمعيه من البارح
تصدقين اني تضامنت معك شعوريا وقطعت الاتصال
تدرين ليش خفت اسبب قطع للشجرة وانا عابر سبيل
مخرج/:
.
.
حنا الغرباء في هالعالم التافه
لاننا مانتاجر في مشاعرنا
.
.