[مرزوق العجوني]

[poem=font="simplified arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
بالك تجيب اقصاي تشحذ شباريه=شيب ٍ نما من مفْرَقَك لا تكدَّه
اللي على عمياه يتبع مواريه=ياخذ على راسه وعينه وخدَّه
واللي يذرِّي ما يطوَّل مذاريه=ادنى هبوب اليا تبيَّن تهدَّه
من لا يجاريني فْلاني مجاريه=ومن لا يوقَّف ند ما نيب ندَّه
ومن لا يخاوي راس عَيْطا يباريه =ومن لا يحدَّ الوقت وقته يحدَّه
ومن لا يحشَّم لحيتي عن مزاريه=يكفِّ يدَّه .. قبل لآقصِّ يدَّه
كم واحد ٍ يِحْرِيْ وبارت محاريه=ودَّه وجت عوجا على غير ودَّه
فرخ الحَرَارْ اللي يصخَّر حباريه=ما ياكل الَّا من مناجيب عدَّه
الجاهل اللي ما يداريك داريه=وان ضاق صدرك قَدَرْ رجليك مدَّه
[/poem]