ناصر وفضي (يامعلم الناس السباحه)
قريت بمدونة فضي هالبييتين للرائع نايف صقر
إن أعطاك من أهتماماته مساحه=علقك بأوهام (وأشغلك) (بقصيده)
يقدر يدخلك كمٌ من وشاحه=وصوته يسيلك وتجري في وريده
اسمع ردها ياكحيلان الان ...
يافضي يامعلم الناس السباحه=في بحور الطيب يالكفو الوليده
صاحبك ماخذ عن الحب استراحه=خمسة سنين ودروبه بس سيده
لين جاء من طلته تشبه صباحه=واحد(ن) يستاهل أشعار(ن) جديده
حرك احساسي وكل الهم زاحه=لين زاد بداخل افوادي رصيده
قلت اببقى معه لو شح بقراحه=ماطلبته شئ جعل الله يزيده
يافضي والصبر يفردلي جناحه=باتصبر لين احقق ما اريده
.
وهذا رد أخي فضي البراك
مرحبا والعود الأزرق في فواحه=يوم جيت وجابك الله في قصيده
صاحبي مادامت الفرصه متاحه=مايجيك قصور والهقوه بعيده
لا يغرك كشخته في كل سآحه=فرصتك مااظنتي فرصه سعيده
مابخصته عقب (مانزل وشاحه)=غرك الديكور وعيوبه عديده
عقب عشقٍ فات ماباقي مساحه=عقبها ماأحتاج حب آيات غيده
(مي) عشق و (مي) حب و (مي) راحه=للخفوق اللي تمخطر به وحيده
هي مسرة خاطري كل أنشراحه=(مي) تشبه بيت عن 100 قصيده
آخر تعديل بواسطة فضي البراك ، 10-01-2011 الساعة 11:33 AM.
| توقيع ناصر الرشيدي |
لولا الوفاء ماتت الشرهه على الجيّه=ولولا الغلا ماسكنت بأجمل احلامي
[IMG][/IMG]
|
|