مره تجيني حلمِ وأصحـى بذكـراك
واعيش باقي الحلم فـي ذكرياتـك
ومره اهوجـس وأتخيّـل محيـاك
واكذب على نفسي وأنا اقول جاتـك
ومره اشوفك يالغلا جالـس هنـاك
بين القمر والشمس يا هُـم خواتـك
وأذكر بأني قلـت للنجـم يـا ذاك
ماهو مكانك دامهـا لـك شراتـك
نجم الثريـا فـوق متعلّـي بـذاك
تنزل ثريـا وأطلعـي يـا حلاتـك
أنتي نجم ساطع ويضـوي لدنيـاك
وانتي ماحد بالخلق يسوى سواتـك
وش هم بنات الجيل هـذا ويـاذاك
بعدك تقول النـاس هالعمـر فاتـك
أموت وأحيا عشقِ وأهـوا هوايـاك
لأني أنا بالحـب خصيـت ذاتـك