بسم الله الرحمن الرحيم
قريت قصيدة الشاعر الكبير/ عايد السندى
وحبيت مجاراتها ليس من باب التحدي كما يعتقد البعض!
انما احببت قافيتها ولي الشرف بمجارات ابو صالح
واتمنى تحوز على رضاكم
الـبـارحـه سـاهــر ودور التـفـاكـيـر
سـهـران مـاطـب العـيـون النعـسـيـا
لـيـن التويـبـع والنـجـوم الزواهـيـر
كـمـل مسـيـره للـغـروب وغطـسـيـا
قافن لعايد يجعل الشاعر يسير = يعبر اللي بالضماير غرسيا
لو كان قصيدته ومهمته تنير = واللي اقوله ماهو بخافي الرمسيا
وبستاذن اصحابك وبقول يالزير = قريت قافك وبتدالي هجسيا
الله من قلب(ن) تحشه مناشير= حش العشوب اللي نبت بالطعسيا
والله من عين(ن) إذا ناموا الغير= ما تنام كن صبيها به حسسيا
والله من هم(ن) كبر حره النير= إن قلت عني إنزاح لي إنتكسيا
ويالف قلبي لف ثقل الاعاصير= اللي يحمسن كل نفس(ن) حمسيا
ويا تل قلبي تل من اومن بخير = بعد ما تله نزل الكبش وسيا
ويا بري حالي من سنينن مغابير= تقول ضدي عندهنه ونسيا
اضحك وانا قلبي ورود ومصادير = اصبح بهاجوس(ن) وهاجوس مسيا
إليا قريت احيان شعر الشواعير = اللي سفنهم وسط الابحار رسيا
مدارس الشعار تفرق عن الغير = التجربة برهان لو ما درسيا
ياخذني الهاجوس لاحلق الطير = ودي معي جنحان واخذ نفسيا
افرح اليا ذكرو طوال الاشابير = اللي على قب الامهار إفترسيا
الصالحين اهل الوجيه المسافير = للي لهم في كل مجد(ن) اسسيا
منزحين اليا نزلوا بالطوابير = على المراجل سيدهم ما نعكسيا
ولا أقول غير يارب وال المقادير = يامولج نهارنا بالامسيا
انك تكافينا شرور الاشارير = اللي مع إبليس اللعين إنغمسيا
وانك تخلي خاتمتنا على الخير = والمعذرة ان كان فيها هسسيا
الشاعر / عايض نما الدمح