[بندرأبن طريف المظيبري]

أهــــــديكم هذة القصيدة الغزلية لهل الغزل والجزل الخاطري .. أرجو أن تنال أعجاب محبيني...... ومعجبيني تناديكم العين قبل جفنها
(تعـــال أنثر هنا ليلك)
حبيبي نام ياعمري على صدري وصارحني

وفض الصمت باحساسك وخل الحب لي يجري

وفضفض لي بعد عمري وعاتبني وفهمني

أنا أطري على بالك كثر ما أنته علي تطري؟!

تعال أقرب من أحضاني ترى خدك مواعدني

يبي يلامس شغف روحي ويقطف بوحي من شعري

تعال أنثر هنا ليلك وخل ويلك يولعني

أنا أحبك وأبي قربك.. ترى مني قضى صبري

أنا نبضك زهر أرضك وأنت؟! ايه تملكني

بنحل خصرك ..جمر ثغرك وزود بلونك الخمري

تتوهني .. تغرقني.. ومن بردك تدثرني

وتبكي لي وتشكي لي وله قلبك ومن سحري

أبي دموعك مع أنفاسك بصدق الود تحرقني

وأبي عطرك مع سحرك وآهك بالحشا تسري

أبي همسك يبعثرني غلا ولمسك يلملمني

وأبي عيونك من عيوني تذوب من الولع كثري

وأبي عهدك مع وعدك وأبي كلك تسلمني

أبي أيدك تسافر بي وزهر قدك يلحفني

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري؟!

وســــــــــــــــلآمتكم وربعين عافية

الشاعر. ولآعلآمي والناقد . بـــندر بن طـــريف الرشيدي
هــــــــــرم من أهـــــرمات بنـي عبـــس الـــــشامخة

الموضوع الأصلي: بقلمي (حصريأ لمنتدي وشبكة بني عبس ) قصيدة تعال أنثر هنا ليلك | | الكاتب: بندرأبن طريف المظيبري | | المصدر: شبكة بني عبس