[ابوشوشه]

لاعـاد تنشـد مابقـى عنـدي علـوم
كـل العلـوم المبطـيـات تخبـرهـا


ماجيتك أشكي ميلة الوقت .. مزحـوم
نفسـي لاضـاق المـدى ماأخسرهـا


ياصاحبي كنت أمس كنت أمس محشوم
واليـوم هـج بجيتـك واختصـرهـا


خلك بعيـد ابعـد مـن العـام لليـوم
وأدنى من أحـلام النجـوم وقمرهـا


بعض الكـلام اللـي تحليـه مسمـوم
وماكـل كـفٍ صافحتـك تغـدرهـا


كـم طيـبٍ حدتـه الأقـدار لرخـوم
وياكم نـاسٍ ننخـدع فـي صورهـا


والحر مايشـره علـى خنعـة البـوم
الله رفـع راسـه ووطــا قـدرهـا


لوجيتني كنك علـى الوجـه ملطـوم
بعـض الخطايـا عذرهـا ماغفرهـا


عندي تساوت هرجة العـذر واللـوم
هذيك انـا أبغاهـا وذيـك احتقرهـا


زلة وعـدت ماحدتنـي عـن النـوم
مـرت سـلام وبـعّـد الله كـدرهـا


أنا أعتبرهـا كبـوة حصـان ويقـوم
وأنـت أعتبـرهـا زي ماتعتبـرهـا

الموضوع الأصلي: الحر مآيشره على خنعه البوم (تصميم) | | الكاتب: ابوشوشه | | المصدر: شبكة بني عبس