إذا منته بقدّ الحب خله
أصوله كان ما تعرف ثماني
صدق واصرار واخلاص وتوله
وصبر وقدر واكرام وتفاني
إذا ما الخل يعرف قدر خله
يذوب الحب ما يصمد ثواني
ونا قلبي بما يحويه كله
أسيرٍ في هوى ضبيٍ رماني
أسير وآسري ما شفت مثله
سقى الله ساعةٍ فيها سباني
أحبه واعشق أوصافه واجله
ونا عندي يقين انه هواني
خياله بس..يشفي كل عله
وطيفه من عيا الهاجس شفاني
هلاله بان لي بين الاهله
سنى نوره عن الباقي كفاني
الا ياشعري المنظوم قله
متى ما رددك سيد الحساني