|
|
هماك اتقول طال الليل , فيني والنجوم اشحاح ؟ منين آجيب في ظنّك , لشوقي ليل يكفيني ؟
همسنا بالكلام وليت , في همس الكلام ارتاح
متى ماقلت باكتب حرف , تبعد بي عناويني
صباح الورد ياورد ٍ , غشا وجه الصباح ولاح
بنوره والعطور اللي , غشتني منه تغريني
متى ماشب قنديلك , على وجه الغلا ( وضّاح )
يتوه الليل في نظرة , اعيونك وانت في عيني
ومتى ماهب نسناسك , على وجهي وعطرك فاح
يضيع الصوت في صوتي , ويفضح سر تكويني
واذوق الصمت بشفاهك , عسل واشرب هوى فضّاح
وأحسّه كل مايذبح , جفولي فيك يحييني
وأقوم أكتب على صفحة , نداك البارد المنساح
عنا طفل الجفا وأفصل , اعروقه من شراييني
وأفتّح عين , قبل العين , لخرى والعيون اصحاح
ماريد آشوف بالثنتين , نورك خوف يعميني
تدرّج همس , والا رمس , والا شمس , ثم اجتاح
من أقصى عرق في دولة , غلاك الكل مافيني
أحسّك صرت ترياقي , وغيرك صار سم اذحاح
حرام ايصير بالتفكير, حبّك نار تكويني
هماك اتقول طال الليل , فيني والنجوم اشحاح ؟
منين آجيب في ظنّك , لشوقي ليل يكفيني ؟
اباصبر لين يشرق صبح , غيرك لمح , ثم ينزاح
وباصبر لين يمسي ليل , غيرك ليل يسريني
مادامه حلم فانت الحلم , وسّع خاطرك وارتاح
ومادامك حي بضلوعي , ابادفن باقي اسنيني
ومادام الهمس ماوفّّى , وقلبي ماقدر يرتاح
تأكد لو كتبتك حرف , تبعد بي عناويني
ماراق اللي من قصيد
|