[على هونك]

هبت ذعاذيع الهوا برد وغبار = وطاعة مهندسة الفلك مع هواها
نجم العرج قام يتلاعب بالأفكار = والناس ضعف إيمانها ماحماها
تال الزمن تضحك وتزعل وتحتار = والخاتمة قلت ودارت رحاها
اقفت على المعقول عجلات المهار = يوم الحيا عاف الوجيه وحفاها
والصدق أشوفه لابسن ثوب الإسرار = وكن السراحه شككت محتواها
واصبحت ماتحرص على كل الاخبار = حتى السوالف قلل الله حلاها
ماكسب منها طيب الفود لا اختار = ولأخسر متعوس البخت في عماها
نفرش على درب الحيا ورد وازهار= والناس شحت بالكرم من طغاها
وكل الدروب الي على الطرقة ايسار = وتشابكت يسر الدروب برداها
حتى البخت عود للقدار سمسار = وعون الهمم مد الذراع ولاواها
نسمع ونتوقع ولا عندنا اصرار = احساس هقوات الضنون ورجاها
رجم القييم مهزوز وعهودنا اعذار = والعد عافته الكبود وضماها
وساد النحس بمباركت ساكن الدار = الي كسر درع السنين بضحاها
ياقلعة التاريخ والمجد والكار = دمعك دخل حجر العيون وملااها
قولي نبا بابين مدخل ومعبار = ألبير غصت حنجرتها بغطاها
والحالتين إلي شرن شرهت الجار = ماغلقت قفل الصدور بخفاها
الي بحرف الجر وادغامها اظهار = والي باسم علم الصحيح مغزاها
والثالثة كان اقبلت دمها حار = راقب الغرسة نابها في شفاها
والله حرام أنا نتغاضى عن العار = حنا بحزات الزوم نحماها
قلت الكلام إلي على حد الأنظار = والشمس متضحي قريب المساها
قلته وأنا رجلي خطت حاضي النار = صارت على إلى الممشى تسابق أخطاها
ومالي ومال الطقس لو هبت اعصار = ارسالتي واصلت والالي وراها

الموضوع الأصلي: ارسالتي واصلت والالي وراها | | الكاتب: على هونك | | المصدر: شبكة بني عبس