31-12-2010, 12:11 AM
|
|
يا هاجسٍ ساق رجلي سـوق يقلـع مـداك عذبتنـي فـالـدروب وفــي متاهاتـهـا صاحبك من كثر ما يطحن ضلوعه غثـاك كـم ليـلـةٍ فالـديـار الخالـيـه باتـهـا وفـي ساعـةٍ فاصلـه مابيـن هـذا وذاك عيني تشوف العبـر فـي كـل نضراتهـا ليلٍ بما فيه مـن خيـره وشـره ضـواك وشمـسٍ بـدت للغـروب تعـد لحضاتهـا الليل جا من هُنا والشمـس غابـت هُنـاك هـذا دليـلٍ علـى الدنـيـا ودوراتـهـا من عاش فيهـا مصيـره للفنـى والهـلاك فنيـت شعـوبٍ شواهدهـا حضاراتـهـا سادوا وقـادوا وبـادوا واتركوهـا دكـاك الارض لله خـزايـنـهـا وخـيـراتـهـا يورث بهـا مـن يشـا ماللعبـاد امتـلاك لـو اعجبـت دولـة الكفـر انتصاراتهـا يا مالـك الملـك لا يعبـد بحـقٍ سـواك بأمـرك تسيـر الكواكـب فـي مداراتهـا تعطـي جزيـل العطـا ولا تمـن بعطـاك والنـاس مناتهـا مــن فــوق مداتـهـا كم واحدٍ لو عطا مسواك مـن عـود راك ولّـف عنـه قصـةٍ تسـمـع بنشراتـهـا من كبر جـوره وتمجيـده لنفسـه تـراك لو حاجتك في يـده مـا قلـت لـه هاتهـا انا احمد اللي حمانا مـن شـراب الركـاك ومـن العلـوم الهـزال ومـن مجاراتهـا يا ضايق الصدر سج الرجل وابعد خطـاك عـن ديـرةٍ سـاد حاسـدهـا وشماتـهـا وان جابك الدرب اخذ سيفك وطرّف عصاك واخـذ الحـذر مـن عقاربهـا وحياتـهـا ولا تسوي مـع انـذال الرجـال احتكـاك الـنـاس تبـلـش عوارفـهـا بعياتـهـا ولا تصدق بمن قالـوا حكـى مـن وراك نقالـة الحكـي مــا تــدري بنياتـهـا ولاتجافـي رفيـق ولا تجـامـل عــداك فـلا يـضـر الخـصـوم إلا ملاقاتـهـا اخلص لصاحبك وانضرله مثل مـا يـراك كبـار الأنفـس تعـزر بــك مداراتـهـا هذا بعض ما طرالي والهجـوس اشتبـاك نـدمـج مواليفـهـا وانمـيـز اشتاتـهـا يا كاتب الحرف صون الحرف يحيي نبـاك بقيـت نقـوش الصخـور ومـات نحاتهـا
| توقيع رسام الغروب |
|
|