الــســـلام عـــلـــيــــكـــمـ ورحمة الله وبركاته
أنقل لكم محاورة المطيري.COM وعميد الشعراء الجحش
كما نود أن تنال على أسحسانكم ورضاكم
المطيري . COM
مرحبا بك ياولد اول وتالـي=في محل العز ماضين الافعالي
ربعي المطران رجلي وخيالي=والثنا والشكـر لله سبحانـه
تقدم ياعميل الخير حياكم على ماقـال=على سمن وسمين ودلةٍ في جنب برادي
وعطنا ياولد ماعندكم والعسر اله حلال=توكلنا على الله وابتدينا والله الهـادي
البقا بالصاحب اللي بدى قافـه=من هجوسن نادره مالها خلافه
كل شاعر باللقاء دون ميقافـه=والثنى والشكـر لله سبحانـه
تقدمت بطريقي والبقاء بك ياوسيـع البـال=على ماقـال نعـمٍ فـي مطيـر الاد عبـادي
نزلت المعركه وأميّز الرجلـي مـن الخيـال=وانا علمي . حضرت وعن خيار القوم نشادي
المطيري. COM
ياهلا يامرحبـا فيـك لاكنـي =ماعرفت انته منين انت يالفني
منطقك خلا الاجاويد تسالنـي=والثنا والشكـر لله سبحانـه
تقدمت بطريقك مير انا اباانشد عن الاحوال=من ايات العرب يانعم فيكم يابن الاجوادي
نبا نتعرف الليلـه علـى ماقـال يارجـال=لانك من خيار القوم من منطوقك البـادي
الشاعر الجحش
الاسامـي ماتقـدم ولا توخـر=حبر من فوق القراطيس تتبخّر
والفتى من قال انا0 علمٍ مصخّر=والثنى والشكـر لله سبحانـه
يقولون العروبه طيبها واحد بـدون جـدال=على الماضي توجّد والهنوف تصيح وتنادي
مدامي من خيار القوم قرّب وشرب الفنجال=ترى الطبخه طعمها زعفران و بن وقنادي
المطيري , com
الاسامـي ماتكلمـت انـا فيهـا=قولي من اي العرب قبل اسريهـا
فوق راسك يالجحش وانت باغيها=والثنـا والشكـر لله سبحـانـه
يقولون العروبه طيبها مابين جـد وخـال=ثبات العلم لاتمشي بوسط الخط متحـادي
اجل وش رايك انجيب الهنود ونزهم البنغال=وتلعب مع حديهم ياولـد والنـار وقـادي
الشاعر الجحش
اللقب والاسم ولاصل والمنشاء=شاعرٍ شعره مخيّل من المنشاء
السفر يجلى وليل الدجا يغشاء=والثنى والشكـر لله سبحانـه
وانـا اقـول العروبـه مالهـم بيـن الآوآدم فــال=حقوق مجمّده وجيوش بوش بجوف بغدادي
انـا ماقلـت فيـك قصوررجـال وعليـك عـقـال=لكـن السيـل جـاك بـلا مطـر يانـازل الــوادي
المطيري.COM
الخيال اللي تقوله بلا ماطـر=لو نشوفه مدلهـمٍ ومتقاطـر
اصلكم يرفعك ذا الليل ياشاطر=والثنا والشكـر لله سبحانـه
وانا اقول العروبه حقها بين الاوادم طـال=على وقتٍ مضى والوقت هذا سوف ينعادي
هذا قول الرسول اللي ماهوحضرتك يالحيال=ولن جا الوقت هذا تنعم الامه بالاسعـادي
الشاعر الجحش
الخيال الي تخيلـه نثـر وبلـه=الرعد من شرق والبرق من قبله
ياوجودي وجد عنتر على عبله=والثنـى والشكـر لله سبحانـه
تحيزم في حزامك وعرف المخراج والمدخال=تحراّ ياسمي لين الربيع يجيك مـن غـادي
رسول الله مابعده رسول ومنهجـه مـازال=لكنّ الحكمه اللي تفـرق المـدّل والغـادي
[/poem]
المطيري . COM
اخس يالجحش المسمى يابو ذيلا=لو تكيم مانته بسابـق الخيـلا
ياوجودي وجد قيسٍ على ليـلا=والثنـا والشكـر لله سبحـانـه
على ويش اتحيزم وانت جحشٍ صايب سلال=تسمى بالحمير الظاهر ان الاصـل حـدادي
تبا تسوي سواة شعيل لامنه بـرك مامـال=يقوم بحملته والاانـت فالشعبـان رقـادي